A ANUNSIA KU DIGICEL TA PARTNER

KU U.S. DEPARTMENT OF STATE PA E CARIBBEAN IDEA MARKETPLACE

WILLEMSTAD/KRALENDIJK - 23 di yüni 2011: Digicel, siendo e mihó operador di selular den Caribe, sentro Amérika i osean Pasífiko, a risibí anunsio ku el a keda apuntá komo un di e partnernan prinsipal ku U.S Department of State pa sostené e Caribbean IdEA Marketplace. Ku propósito pa fomentá kolaborashon entre e komersiantenan lokal i global di Caribe, e plataforma di kompetensia di negoshi aki lo enkurashá e partisipantenan pa desaroyá i ekspandé e proyektonan inovativo ku lo generá empleo i kresementu ekonómiko.

E paisnan di enfoke inisial ta inkluí: Bahamas, Barbados, Repúblika Dominikana, Guyana, Sürnam, Jamaica i Trinidad i Tobago ku e siguiente metanan:

• Pa yega na un kompromiso entre komersiantenan di Caribe pa promové e programanan di desaroyo di impakto haltu;
• Pa krea asosiashon nobo, cross-sector pa desaroyo ekonómiko y sosial;
• Pa interkambiá konosementu i krea ret di enseñansa ku e komunidat diáspora;

CIM lo implementá den e konteksto di  International diáspora Engagement Alliance (IdEA), kual a wòrdu lansa dor di Sekretario di Estado di Merka, Hillary Rodham Clinton, riba 17 di mei na Washington DC durante e Global diáspora Forum. Otro asosiashon ta inkluí Inter-American Development Bank i Scotiabank.

Durante e Global diáspora Forum, Sekretario di Estado di Merka, Hillary Rodham Clinton a bisa; “Komo un kolaborador, nos lo traha hopi di serka ku e lidernan di diáspora i otro partnernan pa implementá e proyektonan i hasi nos impakto mas grandi ainda".

Colm Delves, Group CEO di Digicel a splika ku “E seis mion habitantenan di e paisnan diáspora ta konsistí di ekspertonan altamente kualifiká i empresarionan eduká i ta rekonos’é komo un fuente importante di kresementu i desaroyo na Merka i mas leu".

Mas leu el a agregá ku “Komo e operador di selular number un den e region, Digicel tabata e instrumento klave pa kondusí inovashon, kresementu ekonómiko i krea empleo i oportunidat pa e pueblonan di Caribe. P’esei mes nos ta aploudí e kompromiso di U.S Department of State pa stimulá empleo i kresementu ekonómiko den Caribe i ta enkantá pa ta parti di e programa fantástiko aki.”