Ku Digicel bo tambe por bira un felis ganador

DIGICEL A DUNA KABA MAS KU 20 MIL FLORIN NA PREMIO KU KAMPAÑA REKARGA I GANA

WILLEMSTAD, Kòrsou 14 di sèptèmber:  Ku Digicel no ta importá si bo ta un kliente di sistema postpago òf prepago, tur kliente ta konta i tur por partisipá fásilmente pa gana plaka kèsh. Digicel, e ret mas grandi i mihó, a lansa un kampaña fenomenal “Rekargá i Gana”, unda ya kaba nan a regalá su klientenan mas ku 20 mil florin na premio. I ainda tin mas pa regalá!

Ya kaba Digicel a saka 2 ganadó di e sistema prepago,unda ku kada unu a risibí mil florin kèsh i tambe a konosé nan ganadó di sistema postpago, ku a gana e bunita suma di Naf. 2.500 kèsh i sin laga afó, ku tin un total di 3400 ganadó na krédito grátis.

Digicel sigur ta sumamente kontentu ku e partisipashon i tambe sosten ku nan ta haña pa ku e kampaña aki.  For dia ku Digicel a kuminsá ópera na Kòrsou, brindando e pueblo di Kòrsou un alternativa ekonómiko, rápido i mihó pa nan uzo diario di telefòn selular. Pues djis sigui rekargá òf paga bo kuenta nan tempu i haña e gran oportunidat di risibí premio espektakular ku Digicel tin di Naf. 50.000 kèsh na final di e kampaña!

Alabes Digicel lo kier invitábu na otro edishon di nan tremendo Top Up & Win Happy Hour ku lo tuma lugá djabièrnè próksimo na e tan gusta establesimentu Wet & Wild for di 6or di atardi te ku 8or. Esnan presente ku rekargá nan selular ku krédito durante e orario aki tin chèns pa gana premionan instantáneo manera bebida grátis. Asina ta no pèrdè e tremendo Happy Hour aki di Digicel pa huntu selebrá un bon kuminsamentu di fin di siman.