Digicel a entrega premio kèsh

i BlackBerry Torch

WILLEMSTAD – 10 di yanüari, 2011: Hopi reakshon Digicel a risibí riba e kampaña di SMS i GANA ku a hunga durante di luna di desèmber último kaminda klientenan di Digicel por a manda e palabra PLAY pa e number 7171 i partisipá den un wega di palabra pa asina gana $500 kèsh i un BlackBerry Torch nobo nobo. Lisa Verbinnen di Boneiru i Karina Schotborg di Kòrsou ta e felis ganadornan di e kampaña aki .

Pa motibu di e éksito di e kampaña aki, Digicel a disidí di un biaha mas lansa e oportunidat di gana un premio fabuloso ku SMS. E kampaña ta keda mesun fásil, djis manda e palabra PLAY na 7171 i partisipá den e wega di palabra pa gana un tremendo Nintendo Wii. Kòrda ku mas SMS bo manda mas chèns bo tin di gana.