Digicel a lansa su kampaña

November 17th 2011 - Digicel a lansa su kampaña

Digicel a lansa su kampaña "GRÁTIS PA UN I TUR”

Hasi yamada lokal, internashonal òf manda mas SMS grátis

WILLEMSTAD, Kòrsou – 16 di Novèmber 2011: Digicel a lansa su kampaña nobo "GRÁTIS PA UN i TUR" di un manera úniko, speshalmente pa e temporada di fin di aña unda ku tur hende ta komuniká mas.

E kampaña aki ta konsistí den diferente promoshon kaminda tur kliente di Digicel ta risibí SMS grátis, yamada internashonal grátis òf yamada entre e islanan ABC grátis. Tur kliente di Digicel prepago por disfrutá di e tremendo ofertanan aki. Digicel un biaha mas ta demostrá ku nan ta duna nan klientenan mas balor pa nan plaka.

Den e kampaña aki Digicel a tene kuenta ku tur su klientenan ku e ofertanan aki. Klientenan por disfrutá di 100 SMS grátis pa e resto di dia na momentu ku nan manda 5 SMS pa kualkier number. SMS grátis ta bálido solamente di Digicel pa Digicel.

Komo parti di e kampaña aki, klientenan ku gusta papia ku famia i amigunan den eksterior tambe por papia grátis. Na momentu ku nan hasi un yamada di 5 minüt for di nan Digicel prepago pa kualkier number pa Colombia, Peru, Venezuela, St. Domingo, Hulanda òf Merka, nan ta risibí e siguiente 10 minüt grátis den mesun yamada.

Y pa esunnan ku ta hasi yamada lokal, Digicel ta duna bo e opshon pa papia mas. Tur kliente di Digicel ku ta gusta òf kier papia un tiki mas largu, por hasi un yamada pa kualkier number di Digicel na Aruba, Boneiru òf Kòrsou di 3 minüt, anto nan ta risibí e siguiente 30 minütnan grátis den mesun yamada.

Nos ta kontentu ku nos a lansa e oferta aki pa tur nos klientenan. Nos klientenan gusta ta keda den kontakto ku nan ser kerinan dor di manda sms pa otro òf yama otro. Ku e kampaña aki di GRATIS PA UN I TUR, nos ta duna nos klientenan mas balor pa nan plaka, paso ku Digicel nan krédito ta dura mas largu, asina Philip van Dalsen, CEO di Digicel Dutch Caribbean a duna di konosé.

Ku e kampaña aki, Digicel kier yama danki na tur kliente pa e apoyo di henter aña i reforsá nan bon relashon ku nan klientenan. Ku esaki Digicel ta reafirma ku e ta e kompania di selular ku e ret di mas grandi, mas mihó i awor esun mas lihé tambe na Kòrsou i Boneiru!