Ku Daisy Tyrol-Carolus komo oradó prinsipal.....

Digicel a organisá e promé “Woman of Influence” aki na Kòrsou

WILLEMSTAD, Korsou – 12 di yüli, 2009: Kant’i pisina di Marriott Resort a tuma lugá e evento di “Woman of Influence” organisá pa Digicel. Durante e anochi aki, tantu Lisa Canhigh komo tambe Wanda Broeksema di e departamentu di merkadeo di Digicel a duna di konosé ku e evento aki ta un bon oportunidat pa topa ku mas hende muhé i enfatisá riba e tantísimo ròlnan ku e hende muhénan mester okupá nan mes kuné den nan bida diario, di mainta trempan te ku anochi ora di bai drumi. “Bo nunka no a yega di skirbi kuantu kos bo ta hasi pa dia? Lo bo keda sorprendí!”, asina Wanda Broeksema bisa ayera nochi. E ehekutivo enkargá ku merkadeo di Digicel na Korsou, Boneiru i Aruba a konta ku e idea pa e evento aki ta pa selebrá e balanse ku e hende muhé mester atendé kuné tur dia. Hende muhé di influensia no ta solamente un gobernante, bankero òf profeshonal, pasobra tur hende muhé tin influensia.

Durante e anochi aki Daisy Tyrol-Carolus kende ta Country Manager di RBTT aki na Kòrsou tabata e oradó prinsipal. Ela konta e demas hende muhénan presente su sekreto pa por balansa su bida profeshonal huntu ku su bida sosial. Speshalmente e último aki tin bes por ta pisa, ora ku trabou ta ranka di un banda i e yunan i e kasa ta ranka na e otro banda. Pa Sra. Tyrol- Carolus e manera pa hasi esaki ta ku su Blackberry Di Digicel. E presentenan a keda masha kontentu ku e tepnan ku ela trese dilanti, pa na un forma fásil i efisiente, a hasi pa tur dos partido keda kontentu ku e tempu brinda na nan.

Probechando e okashon, Digicel a organisá un show di moda tambe na unda ku modelonan a presentá e último modelonan di BlackBerry na tur e hende muhénan di influensia presente. Ademas Digicel su departamentu di benta tabata tei presente pa  a splika tur e invitadonan ku ta interesa  e diferente paketenan atraktivo ku Digicel por ofresé.

Na final, a rifa algun selular BlackBerry entre e invitadonan presente. Digicel a sigurá ku esaki ta e promé di un kantidat di otro eventonan na kaminda den e kalènder pisa ku Digicel tin tur aña. “Woman of Influence” definitivamente a haña su lugá riba e kalènder aki i lo ripití den futuro atrobe. Riba e potrètnan athuntu por mira parti di e evento dediká na tur e hende muhenan ku influensia di Kòrsou, na unda e hende muhénan tabata sentral i e hende hòmbernan di Digicel mes a keda para pafó na entrada.