DIGICEL A RISIBI LISENSIA PA KUMINSA OPERA NA NAURU

Na Ougùstùs nan ta lansa e promé ret di selular riba e isla

WILLEMSTAD/KRALENDIJK – 30 di Yüni, 2009: Digicel, siendo e kompania di selular ku mas ta kresiendo den Oséano Pasífiko a konfirmá resientemente ku ila risibí un lisensia pa por operá un ret di GSM na e Repúblika di Nauru. Esaki den kuadro di su plannan pa ekspandé su ret di selular GSM den e region Pan-Pasífiko.

E último atkisishon aki ta fortalesé e posishon di Digicel den e region i ta bira un logro grandi pa e kompania ku awor a bira e promé proveedor di komunikashon mobil na Nauru. Digicel Nauru lo ofresé servisio di selular pagabel, inovativo i aksesibel ku ta kumpli ku e deseonan di e pueblo.

E repúblika di Nauru ta situá den Oséano Pasífiko nèt nort di Salomon Islands i solamente 40 kilometer zùit di e evenar. E isla mes ta 21 meter kuadra ku un populashon di apénas 10 mil habitante ku ta papia Naurano i Ingles. Te ku awor, e isla no konosé servisio di komunikashon di selular.

E entrada di Digicel na Nauru ta demostrá nan presensia den e region Pan- Pasífiko, meskos tambe un logro importante pa establesé e promé ret di GSM na Nauru. Nauru awor por kuminsá gosa di benefishinan di e ret konsiderá komo “state of the art” brindando mas aksesibilidat i preisnan pagabel den e merkado di telekomunikashon.

E Gobièrnu di Nauru a traha huntu ku Digicel durante e último 6 lunanan pa por a finalisá e proyekto aki ku awor lo mester transformá e bida di e habitantenan di Nauru. Ministerio di telekomunikashon a informá ku a entrega Digicel un lisensia pa por operá un ret di GSM pa sirbi e pueblo.

Nauru ta e di 6 merkado di Digicel den Pasífiko, ku operashonnan eksistente na Papua New Guinea, Vanuatu, Fiji, Tonga i Samoa. Por bisa ku Nauru awor ta e di 32 merkado internashonal di Digicel. E ret mas grandi i mihó a sa di trese un kambio drástiko den e industria di telekomunikashon den e área di Oséano Pasífiko. Tambe e kompania a sa di perkurá pa un empuhe fuerte pa e ekonomianan di henter e region.

Si tur kos sigui segun plannan, Digicel lo lansa su servisionan ofisial na Nauru entrante Ougùstùs 2009. E plannan ta pa lansa servisio di hasi yamadanan via e plataforma di GSM i na mes momento lo lansa servisionan di Internèt i transmishon di data via e plataforma di GPRS/EDGE. Ta pa promé bes ku habitantenan di Nauru lo tin akseso na e tipo di servisionan inovador aki.

Digicel Pacific ta un kompania ruman di Digicel Group, ku ta e kompania di selular di mas grandi den henter Caribe i un partisipante nobo den Sentro Amérika. resientemente Digicel Group a selebrá lansamentu di su di 31 merkado na Panamá miéntras ku na Jamaica a selebrá nan 8 añanan di eksistensia.

Desde su lansamentu na Novèmber 2006, Digicel Pacific a sa di krese i kombertí su mes den e operador di servisio di selular ku mas ta kresiendo den e region Pasífiko ku operashonnan na Samoa, Tonga, Vanuatu, Papua New Guinea i Fiji.

FIN