October 12th 2009 - Speshalmente pa klientenan ku tin un selular kaba

Speshalmente pa klientenan ku tin un selular kaba

WILLEMSTAD/KRALENDIJK – 5 di òktober, 2009: Digicel un biaha mas ta pensa riba su klientenan ofresiendo paketenan mas atraktivo i ku ta kuadra ku kada nesesidat. Digicel ta ofresé awor na tur su klientenan potensial e posibilidat di por kumpra “SIM ONLY” ku un pakete postpago. E paketenan aki ta ofresé un karchi di SIM sin ku bo tin ku kumpra un selular nobo. 

Digicel a bin ku dos tremendo oferta riba “ Sim Only” pa esnan ku kier habri un kuenta postpago i probechá di e benefisionan di un postpago , pero hasi uso di nan selular existente. Kòrda ku un suskripshon postpago klientenan di Digicel ta spar te ku 50% riba kosto di yamada kompará ku prepago i alabes bo ta haña SMS grátis. I awor pa tempu limitá e paketenan ta inkluí “Free Nights & Weekends” kaminda klientenan por hasi yamadanan durante di anochi i den wikènt Grátis.

Tin un pakete di 50 florin ku ta masha atraktivo pa esnan ku un presupuesto abou. E ta enserá 60 minüt, ku ta bini tambe ku “Free Nights & Weekends” (èkstra) i 25 SMS kompletamente grátis (di Digicel pa Digicel).

 

E di dos pakete di 75 florin pa luna ta bini ku 200 minüt, “Free Nights & Weekends” (èkstra) i 75 SMS grátis (di Digicel pa Digicel).

 

“Free Nights & Weekends” ta konsistí den yamada grátis di djaluna pa djabièrnè di 9’or di anochi pa 9’or di mainta i naturalmente den wikènt i bálido te ku 3000 minüt pa luna di Digicel pa Digicel.

 

Probechá di e oferta SIM only i disfruta di e bentaha nan ku e speshal aki ofresebu. Si bo tin un number di Digicel prepago kaba, na Digicel nan ta kambi’é hasié un number postpago den un frega di wowo. E ofertanan aki ta bálido den e periodo di 5 pa 19 di Òktober 2009 i ta basá riba un kontrakt di dos aña. Klientenan ku un suskripshon postpago kaba no por bin na remarke pa e oferta ariba menshoná. Tene kuenta  ku e kantidat di minüt grátis den e pakete di “Free Nights & Weekends” ta limitá te ku 3000 minüt pa luna pa yamadanan di djaluna pa djabièrnè di 9or di anochi te ku 9or di mainta i durante henter wikènt di Digicel pa Digicel.

 

Solamente e ret mas grandi i mihó por ofresé su klientenan un pakete asina atraktivo. Ta rekordá tur hende ku e oferta super speshal aki ta bálido te ku 19 di Òktober próksimo.