Pa loke ta Digicel Group Limited (ku ta consisti di 24 merkado rònt di Caribe i El Salvador) entradanan tabata US$1.75 bion – kresementu di 1% den un aña i 5% konstante den entradanan – ku un márgen di oumento EBITDA di 43%, kompará ku 39% di e aña anterior.

Den e 24 merkadonan, Digicel a logra un kresementu signifikante di 31% den entrada di data di un aña miéntras ku abonadonan postpago a krese konsiderablemente ku 18% den e aña fiskal enkuestion. Digicel tambe ta sigui lidera e kaminda den region den entrega di servisionan di BlackBerry ku un oumento di 138% den klientenan usuario di e handset aki.

Segun Hans Lute, gerente general di Digicel Dutch Caribbean: “E tabata un otro aña grandi pa Digicel. Nos promesa i kompromiso na nos klientenan pa duna e mas balor, mihó servisio i e mihó ret di selular, ta sigui ilustrá den un kresementu sostenibel i resultado fuerte hasiendo ku un bes mas nos a logra proveé mas di loke nos metanan interno tabata”. Mas leu Lute a agregá ku “Mi kier gradisí nos klientenan pa nan lealtat kontinuo na Digicel i pa sigurá nan ku nos enfoke lo sigui benefisiá nan komo miembro di e Ret Mas Grandi i Mihó. Adishonalmente, mi kier a gradisí tur nos empleadonan fantástiko pa nan bon trabou, kompromiso i entusiasmo – nan ta e fundeshi di nos éksito.”

Logronan prinsipal den e aña ta inkluí:

·  Digicel Group a anunsiá atkisishon di su kompania ruman, Digicel Pacific Ltd, den un akuerdo balorá na US$825 mion. Digicel Pacific ta ópera den seis merkado i tabatin 1.7 mion abonado na final di aña.

·         Digicel a optené un total di US$1.8 bion via di merkado internashonal di bonds – kual fondo a ser usa pa kumpra Digicel Pacific Ltd, refinansiamentu di debenan eksistente i pa metanan general korporativo.

·         Atkisishon di Orange Dominica Ltd – i komo resultado, Digicel ta brindando e mihó servisio ya brindando mas balor pa un klientela hopi mas grandi na Dominica.

·         Lansamentu di e promé servisio mobil na Nauru – Digicel su di seis merkado den Oséano Pasífiko i e di 32 rònt mundu.

 ·         Kresementu kontinuo na Jamaica kompará ku e kompetensia kresiente di Digicel, kaminda ku e base di abonado a krese ku 3% i e entrada di esaki ku 2% den e aña fiskal.

Adishonalmente, komo e proseder mas grandi di selular i e invershonista priva di mas grandi na Haiti, Digicel su prioridat den e pais despues di e temblor di dia 12 di yanüari tabata pa sigurá ku e klientenan por keda konektá i hasi loke ku nan por pa yuda. En total, Digicel a hasi donashon di riba 20 mion dòler pa apoyá e trabounan di ayudo – komo tambe a hasi algun inisiativa humanitario ku ta inkluí entrega di kuminda, vivienda temporal i yuda programanan di distribushon pa yuda Haiti den su rekonstrukshon. Presidente di Digicel, Denis O’Brien a wòrdu nombra “Embahador di Bon Boluntat” di e siudat di Port-au-Prince dor di e alkalde di e siudat komo rekonosimentu pa su esfuersonan.

Den e siguiente aña, klientenan di Digicel por spera e lansamentu di servisio di WiMax pa konsumidónan rònt Jamaica i lansamentunan 3G+ na French West Indies i Bermuda.