DIGICEL GROUP TA ANUNSIA RESULTADONAN FINANSIERO FUERTE PA E AÑA FISKAL 2010-2011

Kompania ta sigui krese i inová

Djarason, yüni 15, 2011: Digicel Group Ltd, e kompania di komunikashon mobil ku ta ofresé e mihó balor, awe a anunsiá resultadonan finansiero fuerte un biaha mas, mustrando kresementu sólido pa e aña fiskal ku a kaba mart 31, 2011.

E kantidat di kliente a subi ku 6% pa un total di 11.5 mion usuario den tur 32 merkado, ingresonan di Digicel Group Limited a subi ku 27% pa US$2.23 bion, ku márgennan di EBITDA sólido na 43%, despues di e integrashon eksitoso di Pasífiko.

E kompania a registrá un EBITDA di US$954 mion pa e aña, kual ta un oumento for di US$753 mion di e aña promé i ku ta representá un kresementu di 27% - similar na e kresementu di su ingresonan.

E estado di kuenta i posishon di likides di Digicel a sigui mehorá ku reservanan di plaka efektivo di mas ku US$600 mion pa 31 di mart, 2011. E grupo su rendimentu fuerte a wòrdu respaldá pa e agensia di ratings Fitch, ku resientemente a elevá e debe di e grupo komo resultado di su “funshonamentu di operashon sólido kontinuo”.

Digicel a progresá signifikantemente den e áreanan di servisio di data ku kresementu di ingresonan di data di 104% pa e aña i kresementu fuerte kontinuo di e ingreso for di data ku no ta SMS. En general, data awor ta responsabel pa 15% di e ingresonan for di servisio.

Komentando ariba e funshonamentu, e CEO di Digicel Dutch Caribbean, Guyana i Surnam, Philip van Dalsen a bisa: “Esaki tabata un otro aña eksitoso pa Digicel i nos ta sigui krese nos negoshi, introdusiendo teknologianan nobo inovativo pa nos klientenan i kumpli ku nos kompromiso pa proveé mihó balor, mihó servisio i un mihó ret. Nos a integrá nos operashonnan di Caribe i Pasífiko ku eksito i a ekspandé nos kapasidat den e área di solushonnan di negoshi i a impulsá kresementu den nos merkadonan di Caribe i Pasífiko – spesialmente na Haiti i Papua New Guinea.

E ta añadí; “Esaki – adishonal na e mehorashon di kondishonnan ekonómiko den nos merkadonan – a resultá den rendimentu sólido i kumplimentu di tur meta un biaha mas. Mi kier gradisí nos empleadonan, sosionan i personal balioso pa nan lealtat kontinuo na Digicel i sigurá nan ku nos enfoke ta sigui manera semper ariba entrega lo mihó di lo mihó na nan.”

Entre logronan importante:

·         Introdukshon di servisionan 3G+ (basa ariba teknologia HSPA+) na Bermuda i islanan di Caribe Franses.

·         Introdukshon eksitoso di 4G Broadband na Jamaica – kual a hiba kresementu di e merkado di Internet na Jamaica di 17% pa 20% den apénas nuebe luna.

·         E transakshon di America Movil, ku a resultá den e kompra di e divishon Claro di America Movil na Jamaica y e benta di Digicel su negoshinan na El Salvador i Hondúras ku America Movil. E trato ta den proseso di aprobashonnan regulatorio i gubernamental aktualmente.

·         E kompra di Nextar Technologies na Puerto Rico i Data Nets na Papua New Guinea i subsekuentemente e lansamentu di servisionan “cloud” na Barbados, Islanan Cayman, Jamaica, Trinidad Tobago, hasiendo Digicel e “one stop shop” pa ICT pa e nesesidatnan pa komunikashon pa negoshinan.

·         Ganador di rekonosementu na World Communications Awards i Global Telecoms Business Innovation Awards

·         E kompromiso di US$1.2 mion pa konstruí un departamento pa kardiologia pediatriko na Bustamante Children’s Hospital na Kingston, Jamaica.

·         Impakto positivo kontinuo ariba komunidatnan via di Digicel Foundations – ku Foundations kumpliendo ku su itinerario di tin 70 skol nobo kla pa funshoná na kuminsamentu di e aña eskolar nobo na Haiti, 186 proyekto kompletá na Jamaica i US$2.5 mion invertí den un kantidat di inisiativanan sosial na Papua New Guinea, inkluyendo establesimentu di 98 fasilidat edukashonal

·         E invershonnan di Digicel mundialmente den su 32 merkadonan ta suma na un total di US$4.5 bion i e kompania ta empleá mas di 5500 hende rònt mundu.