December 16th 2010 - DIGICEL KU TREMENDO OFERTA NA CHRISTMAS SHOWCASE

Tambe ku chèns pa gana tur dia un BlackBerry Torch ku Spin & Win

 

WILLEMSTAD, Kòrsou - 26 di novèmber 2010: Digicel, e ret mas grandi i miho, tambe tei presente na Christmas Showcase Fashion Week ku ta tumando luga e weekend aki ta WTC i

a bin ku tremendo oferta pa tur e bishitantenan di Christmas Collection. Durante di e ultimo dos dianan bishitantenan a mustra hopi interes den e diferente modèl nobonan di BlackBerry ku Digicel a bin ku ne na un preis super speshal. Nos ta papia di e modèlnan BlackBerry 9300, BlackBerry 9100, i e BlackBerry 9800 ku ta konosi komo e BlackBerry Torch. Speshal pa e evento aki Digicel a krea un booth úniko pa por atendé mas tantu hende posibel huntu ku un tim grandi di representantenan pa duna tur sorto di informashon riba produktonan i servisionan di Digicel pero en espesial pa ofresé e bishitantenan di Christmas Showcase e fabuloso oferta aki riba selular.

 

Alabes pa hasi e okashon aki aun mas festivo Digicel tei atrobe ku su tan gusta ‘Spin & Win’ kaminda tur hende por purba nan suerte pa gana un BlackBerry nobo nobo. Pa tur e motibunan aki Digicel ta invitá tur hende pa bin bishita nan djasabra i djadumingu na W.T.C. durante e "Christmas Showcase" i probechá di e tremendo ofertanan pero rekordando si ku esnan ku ta  pa interesá pa apliká pa un suskripshon postpago ku ta rekerí un depósito i mester presentá ku un ID bálido i un estado di kuenta di banko i slep di salario.