Digicel ta diskulpa pa e fayo

Sierto Klientennan di Digicel a risibi minutnan/ SMS/ GPRS  gratis

WILLEMSTAD, Kòrsou – 27 di yüni 2011: Dor di un fayo durante di un upgrade den nos sistema komputarisá a kousa ku un kantidat di klientenan prepago di Digicel a risibí 100 minüt di krédito grátis, SMS òf GPRS. E klientenan aki a wòrdu notifiká pa medio di un SMS ku nan por hasi uso di e servisio aki. Digicel ta investigando e fayo aki ainda, pero miéntras tantu den transkurso di ayera durante dia a korigí e eror aki dor di kita e minütnan èkstra di e klientenan ku no a hasi uso di nan ainda. Klientenan di Digicel ku a hasi uso kaba di sea e yamadanan grátis, SMS òf GPRS grátis no lo no wòrdu kobrá separá, esei ta keda pa kuenta di Digicel mes. Manera ta konosí, nos ta den proseso pa aktualisá nos ret pa asina por ofresé mas i mihó servisio na nos klientenan. Asina ku nos keda kla ku e trabounan aki, Digicel lo tin un di e retnan mas sofistiká den henter e área aki di Karibe. Pero den e proseso aki opviamente e ta bin ku su fayonan, manera ku a sosodé ayera. Digicel ta pidi su diskulpa na tur e klientenan afektá i pa e konfushon.