Yegando mas serka di su klientenan

DIGICEL TA HABRI OTRO FILIAL NA TESORO PLAZA SITUA NA STA. MARIA

Willemstad, Kòrsou 25 di mart 2011: Digicel ta sigui ekspandé su tiendanan na Kòrsou pa asina fasilitá mas kliente. E biaha aki ta spesialmente pa e klientenan den e área di Sta. Maria, ku awor ya nan tin un alternativa mas serka di kas. Presente tabata Philip van Dalsen, CEO di Digicel Kòrsou, Aruba, Boneiru, Sürnam i Guyana, unda ku el a tene un diskurso pa duna inisio di e gran apertura di un filial nobo i sigui pa Lisa Canhigh, representante di Merkadeo di Digicel Kòrsou.

Desde lansamentu ofisial na Kòrsou, Digicel semper tabatin su establesimentu riba kaminda di Schottegatweg. Den korto tempu e kantidat di kliente a oumentá enormemente, ku a disidí di habri un otro filial na Brionplein na aña 2006. Danki na a tremendo sosten di e klientenan i komunidat en general, Digicel a sigui krese i awor a habri un filial nobo na Tesoro Plaza. E tienda ta habri di djaluna pa djasabra for di 8’or di mainta te ku 5’or di atardi i ta kla pa brinda nan tremendo servisio na tur e klientenan.

Loke ta hasi e lokalidat aki mas úniko i sigur interesante pa tur e klientenan ta, ku Tesoro Plaza ta kompletamente ekipá ku e último modelo di selular i BlackBerry. E klientenan por kumpra nan karchi di krédito, paga nan resibu i risibí tur e último informashon riba promoshon koriente i servisionan en general. Spesial pa e apertura di e filial nobo aki na Tesoro Plaza, nan tin e preis spesial riba 7 modèl diferente di selular prepago kuminsando for di Naf. 69,- i e oferta aki ta bálido te ku 2 di aprel. Pues bin abo tambe i probechá di e tremendo ofertanan ku Digicel tin.