Digicel ta koperá ku Mundu Nobo

Digicel ta koperá ku Mundu Nobo

WILLEMSTAD – Un masha bunita inisiativa ta loke a bin di e komishon ku yama Grupo di habitantenan den Mundu Nobo ku kier drecha e bario di Mundu Nobo pa asina un i tur  por disfrutá di dje. E inisiativa aki a wòrdu reforsá na e momentu ku nan a haña koperashon dje kompania di selular mas grandi den Karibe, esta Digicel.

E habitantenan a sera kabes pa forma un grupo ku a konsentrá pa trese plan pa stimulá aktividatnan den bario di Mundu Nobo, pa asina krea un ambiente positivo i drecha e bario ku e fondonan ku wòrdu rekoudá for di e aktividatnan aki.

Digicel ku ta un kompania semper dispuesto pa saka un man i yuda ku proyektonan pa komunidat, a hasi un donashon na e komishon dje habitantenan ku a tuma e responsabilidat pa realisá e aktividatnan aki.

E Digicel a hasi un donashon di un telefon selular kual lo bai wòrdu rifa durante un di e aktividatnan den bario ku lo wòrdu organisá. E ta un di e selularnan mas bunita, esta un Sony Ericsson R306 SIMCARD mas Naf. 50,- di karchi DIGICEL. For di awor kaba pabien na esun ku ta gana e bunitesa aki.