DIGICEL TA LANSA BLACKBERRY STORM
April 17th 2009 - BB StormDIGICEL TA LANSA BLACKBERRY STORM PA KLIENTENAN DEN 26 MERKADO DEN KARIBE I SENTRO AMERIKA
WILLEMSTAD– 17 di aprel, 2009: Digicel i Research In Motion (RIM) (Nasdaq: RIMM; TSX: RIM) awe a anunsiá e selular di mas nobo, e BlackBerry® Storm™ smartphone pa usuarionan di Digicel den su 26 merkadonan situá den Karibe i Sentro Amérika. BlackBerry Storm ta ilustrá e funshonabilidat renombrá i uso di e solushon BlackBerry i ta inkorporá komo e promé “clickable” touch-screen ku kapasidatnan avansá di multimedia ofresiendo entretenimento, informashon i komunikashon na alkanse di bo dedenan.
E BlackBerry Storm ta un skohensia perfekto pa klientenan ku ta en buska di e touch-screen smartphone “al dia”. E modelo ku yen di estilo aki ta disponé di un rendimentu eksepshonal, un pantaya impreshonante i karakterístikanan interesante ku ta inkluí konektividat global, GPS, eksploradó di Internèt, reproduktor multimedia, kámara i e industria lider di e-mail i kapasidatnan di mensahe – tur diseñá pa ofresé un eksperiensha mobil eksepshonal na e usuarionan.
E karakterístikanan di e BlackBerry Storm ta presentá e revolushonario pantaya SurePress, ku na momento di usa e pantaya, e ta bai asina fasil ku e ta mehorá e forma pa skirbi i nabegá ku bo selular. Tekladonan virtual riba e BlackBerry Storm ta respondé manera un teklado físiko pa permití ku e skirbimentu ta bai presis i fásil. E interfaz ta apoyá un toke úniko i multi-touch pa e nabegashon efikas. Tantu e konsumidónan komo klientenan di negoshi por apresiá e kombinashon úniko di un pantaya grandi i vibrante ku un interfaz berdaderamente taktiko. BlackBerry Storm tambe por wòrdu usa den un posishon vertikal òf horizontal danki na su sinti di orientashon integrá (Accelerometer).
Hans Lute, komo CEO di Digicel Dutch Caribbean a bisa na momento di anunsiá e modelo BlackBerry Storm: “Nos klientenan kier ta den promé fila ora ku ta trata di nan nesesidatnan di komunikashon mobil i ku lansamentu di e BlackBerry Storm na e liña varia di modelonan di Blackberry, nos klientenan por benefisiá di lo último den teknologia i inovashon di Digicel riba e ret mas grandi i mas mihó.”
Si bo kier kumpra un regalo on-line, adaptá dokumentonan òf lesa un mapa, e telefon inteligente BlackBerry Storm ta trese imágennan na bida ku klaridat impreshonante atraves di su pantaya di kolo di 3.25 inch di resolushon haltu (480 x 360 den 184ppi). Un potensia di multimedia, BlackBerry Storm tin un reproduktor di medionan di komunikashon integrá ku ta trata di un variedat di format di músika i por sinkronis’é ku Windows Media Player òf iTunes ® *. Tambe por konektá atraves di Bluethooth ®, uso di e Gateway di músika di BlackBerry ® pa disfrutá di kantikanan atraves di un radio stereo òf den outo. E tin un kámara di 3.2 megapixels ku un zoom variabel, enfoke outomátiko i un flash potente ku tambe ta proporshoná iluminashon kontinuo durante un grabashon di video. Atraves di su GPS integrá, e smartphone BlackBerry Storm por detektá bo ubikashon eksakto, e geo-tagging di imágen i otronan basa riba e ubikashon di e aplikashon i servisionan di apoyo. E klientenan di Digicel tambe por tin akseso na un variedat amplio di servisio interaktivo den Digicel Live atraves di nan BlackBerry Storm.
E usuarionan di BlackBerry Storm tambe por disfrutá di e selekshon amplio di aplikashonnan ku a wòrdu traha pa su uso den e smartphones BlackBerry ®, inkluyendo aplikashonnan ku ta permití e usuarionan konektá fásilmente na Facebook® òf mensahe instantáneo ku amigunan.
