DIGICEL TA LANSA UN KAMPAÑA NOBO I TA DUNA NAF.180.000 NA PREMIO

Ku chèns pa gana Naf. 50.000 kèsh na final di e kampaña

WILLEMSTAD, CURACAO – 25 di ougùstùs 2011:

Despues di a lansa e ret di 4G, awe Digicel ta habri e kaha di regalu i a kuminsá ku su kampana di yama  “ Top Up”.  Ku e kampaña aki Digicel ta regalá Naf. 180.000 na premio ku chèns pa gana Naf. 50.000 kèsh.

Pa partisipá ta masha fásil! Kliente prepago tin ku solamente rekargá na selular durante di e periodo di e kampaña ku Naf. 10,-, Naf. 25 of Naf. 50,- i nan ta partisipá outomátikamente pa por gana tur dia un di e 200 premionan di krédito òf e premio kèsh di tur siman di Naf. 1000,-. Ademas nan ta partisipá ainda pe rifa pa por gana e premio gordo di Naf. 50.000 Kèsh. Mas haltu e montante ku bo rekargá kuné, mas chèns bo tin pa gana, asina ku bo ta risibí 1 chèns pa un rekargá di Naf. 10,-, ku Naf 25, bo ta haña 3 chèns, anto ku Naf. 50,- bo ta haña 5 chèns.

Klientenan postpago por partisipá tambe dor di solamente paga nan kuenta kompletu promé ku 29 di kada luna durante di e periodo di e kampaña. Nan ta partisipá outomátikamente pa e rifa pa gana tur luna Naf. 2.500 i tambe pa por gana e premio gordo di Naf. 50.000 kèsh!

Asina fásil; djis rekargá òf paga bo kuenta kompletu i prepará pa gana plaka kèsh!!   Manera Philip Van Dalsen, regional CEO di Digicel Southern Caribbean a bisa: ‘Ku e kampaña aki nos ta balorá nos klientenan pa loke nan ta kustumbrá pa hasi kaba ku ta paga nan kuenta òf rekargá nan selular. Tur esaki ta parti di ta den e gran famia di Digicel, e ret mas grandi, mihó awor esun mas lihé tambe. Ademas ken no lo ke gana e premio gordo aki di Naf. 50.000 pa hasi loke nan ta kustumbrá kaba?

Komo parti di e kampaña di Digicel tur djabièrnè ta bai ta Top Up Happy Hour. Digicel lo ta tur djabièrnè presente na lokalidat ku tin Happy Hour pa asina tur e klientenan ku rekargá durante e Happy Hournan aki pa por gana premionan fabuloso. E lokalidatnan di e Happy Hour lo wòrdu anunsiá riba nos página di facebook, Digicel su wèpsait i den korant.  E kampaña aki ta bálido te ku fin di Novèmber. Wak pa bo tambe ta aden. Pa mas informashon bishita Digicel su wèpsait www.digicelcuracao.com òf yama nos servisio na kliente na 145 grátis for di bo selular.