DIGICEL TA OFRESE YAMADANAN GRATIS ANOCHI I DEN WIKENT

September 4th 2009 - DIGICEL TA OFRESE YAMADANAN GRATIS ANOCHI I DEN WIKENT

Yama ken ku bo kier i kuantu ku bo kier......

 

WILLEMSTAD, Korsou – 23 di Ougùstùs, 2009: Klientenan di Digicel na Kòrsou i na Boneiru por hasi yamada grátis durante anochi i wikènt. “Esaki ta algu ku nos ta konvensí ku nos klientenan ta enkantá. Nos ta ripara un oumento den yamadanan den e oranan ei”, asina Jonathan Ubels enkargá ku merkadeo di Digicel na Kòrsou a duna di konosé. E servisio ta enserá ku klientenan ta paga un suma extra di Naf. 30.00 pa luna i nan por hasi yamada grátis for di selular di Digicel pa Digicel grátis di djaluna pa djabièrnè for di 9or di anochi pa 9or di mainta i henter dia den wikènt. “Digicel semper ta duna su klientenan mas balor pa nan plaka. Ku un servisio asina, na unda ku por papia kuantu ku bo kier i ku ken ku bo kier durante oranan di anochi i wikènt ta un forma pa duna mas balor na bo plaka. Ta for di tempu ku nos a anunsiá e servisio aki ku mesora nos a nota un oumento. Hende ta preferá papia den e oranan ku e yamadanan ta grátis” asina Jonathan Ubels a sigurá.