E HOBEN BO-ANNE BOS (NATASHON),

DEPORTISTA DI LUNA DI MART 2011

WILLEMSTAD.- E atleta Bo-Anne Bos di natashon(Ekipo Typhoon) a keda premiá komo e “Deportista di Luna” di parti di un komishon konsistiendo di periodista- i reporteronan deportivo di medionan di komunikashon sosial.

Djasabra último e anunsio i premiashon a tuma lugá na Amerikan Café & Sportbar, situá den Mortierswega na Amerikanenkamp.

Ademas di Bo-Anne Bos, tambe a premia e dos otro nominadonan, Gianno Chirino (Siklismo BMX)) i Marchel Hart (Atletismo) komo e atletanan ku mas a destaka den luna di Mart.

Tur tres nominado a risibí un sertifikado den leshi, opsekio di Angelo Reenis.            Tambe tur tres a risibí un  bunita medaya di Salas Sport Shop, ademas di un sèrbètè.

Otro premionan pa e ganadó: Un daypass di Breezes, giftcheque di Fl. 150,-- di Changes, un telefon i karchi di 100 florin opsekio di Digicel un giftcard di 300 florin di MCB tambe e ganador por saka un potrèt kompletamente grátis na Studio Kort i e lo por pela un luna kompletamente grátis na Strak Strak Barber shop & Kapsalon.

Pa e dos otro nominadonan: Karchi di telefon di 50 florin opsekio di Digicel, giftcheque di Fl. 100,-- di Sedreko, un nominado un giftcard di Fl. 100,-- di DIORCA, i otro e otro nominado un giftcard di Fl. 100,-- di Petro Industrial.