Sin mester apliká pa pakete di SMS

DIGICEL TA REGALA 50 SMS GRÁTIS NA KLIENTENAN PREPAGO TUR DIA

WILLEMSTAD/KRALENDIJK – 1 di yüli 2010: “A petishon di nos klientenan prepago, Digicel for di awe a lansa un promoshon di SMS nobo ku ta regalá tur su klientenan prepago 50 SMS pa dia grátis“,asina Wanda Broeksema, enkargá ku e departamento di merkadeo i promoshon di Digicel Dutch Caribbean a duna di konosé. Ta asina ku e klientenan ta hasi hopi uso di e servisio di mensahe di teksto i pa hasi esaki mas kumbiniente Digicel ta regalá 50 SMS grátis.

Pa risibí e 50 SMSnan aki, e kliente prepago mester manda 5 SMS lokal  riba un dia di Digicel pa Digicel i outomátikamente e ta risibí 50 mensahe di teksto grátis. E SMSnan ta bálido lokal di Digicel pa Digicel riba e mesun dia i promé ku 12or di anochi. SMSnan ku sobra no ta pasa pa e siguiente dia, pero si por kalifiká di nobo pa e oferta aki tur dia di nobo atrobe.

“Nos tei pa sirbi nos klientenan i brinda produkto i servisionan ku ta na nesesidat di nos klientenan’”, asina Wanda Broeksema a terminá bisando.

FIN