E ret mas grandi i mihó a presentá dos modèl nobo di selular

DIGICEL TA REGALA UN KLIENTE 5 MIL FLORIN DOR DI MANDA SMS

Mundial a kaba pero nan tin motibu pa sigui selebrá

WILLEMSTAD, Curacao – 13 di yüli 2010: Digicel kier ta sigur ku no opstante ku Hulanda no a gana e kopa di futbòl mundial di FIFA, ku tòch tin motibu pa selebrá. Siendo e spònser ofisial di e transmishon di tur e weganan di futbòl den henter Caribe, Digicel a sa di hiba dos kliente te na Sur Afrika pa sigui e wega final di Mundial di serka. Di e forma aki dos kliente na Kòrsou, dos kliente di Boneiru i dos kliente di Aruba a biaha huntu pa mira e último wega entre Hulanda i Spaña.

Durante un konferensha di prensa tene na Digicel Biesheuvel, a elaborá riba e éksito di e biahe aki. Alvin Korkie, direktor di comersial di Digicel Dutch Caribbean a sigurá ku Digicel ta masha orguyoso di por tabata patrosinador di e transmishonnan di e weganan di futbòl. El a rekordá tur hende ku no ta solamente awor ku tin futbòl mundial Digicel ta spònser, sino e kompania ta spònser ofisial di Digicel Caribbean Cup ku den pasado a yega di tuma lugá na Kòrsou kaba, ku ta un di e weganan di CONCACAF. Digicel ta spònser un kantidat di tim di futbòl den mayoria merkado unda nan ta operando.

Pero pa por sigurá ku Digicel ta sigui trese promoshonnan interesante pa su klientenan, a anunsiá nan kampaña di manda 5 SMS i haña un chèns di gana 5 mil florin. E kampaña aki ta masha fásil, pasobra klientenan di Digicel, prepago i postpago,  mester djis manda 5 SMS pa dia pa un otro kliente di Digicel i mesora Digicel ta regalábo e siguiente 50 SMS nan grátis! Tambe e klientenan ku partisipá na e kampaña aki tin chèns di gana e premio grandi di 5 mil florin.

Separá di produktonan nobo pa promové mas uso i mandamentu di SMS, tambe Digicel a probechá di presentá dos modèl nobo di selular marka Coral, ku ta e Coral 255 i e Coral 350. Betzabeth Rasmijn di Digicel Curaçao e sigurá ku e dos modèlnan aki sin duda algun lo bai revolushona henter e merkado di selular di Kòrsou. Speshalmente pa nan kalidat superior, nan estilo ultra moderno pero speshalmente pa nan preis. Klientenan prepago por kumpra un di e selularnan Coral 255 pa solamente Naf. 29.99. Ku e modèl aki e klientenan tin un selular ku ta pas den nan saku di kamisa, no ta pisa kasi nada, tin konekshon di radio AM-FM i tin konekshon di GPRS pa bo por risibí bo ringtonenan favorito. Di otro banda, e modèl Coral 350 ta bai pa únikamente Naf. 99.99 i ta pèrmití e kliente subi riba Internèt, manda email, saka pòtrèt i si lubidá e posibilidat di skucha radio trankil.

Digicel ta spera di por komplasé ku su klientenan dor di ofresé mas servisio i ta amplia su lista di modèlnan di selular. Di e forma aki ta trese modèlnan mas moderno pero ku mihó preis tambe, kla pa revolushona e merkado kompletu....manera Digicel so por!

FINAL