Digicel ta saka tapeit kòrá pa e strea mas nobo den su serie di Blackberry: Blackberry Bold 9700

E smartphone fini i elegante ta kapta tur atenshon ku tur su bon funshon i aplikashonnan

Willemstad, Kòrsou- 3 di Febrüari 2010: Digicel, e kompania di selular di mas grandi den Karibe i e operador ku mas lihé ta kresiendo den Sentro Amérika i Pasífiko, awe ta presentá e miembro mas nobo di un variashon amplio di smartphonenan BlackBerry®. E BlackBerry® Bold™ 9700 ta duna klientenan e libertat i fleksibilidat pa organisá nan trabou i bida sosial ku un aparato fini i poderoso.

BlackBerry Bold 9700 smartphone ta bini ku un serie di karakterístikanan di lo último den komunikashon i multimedia den un diseño kompakto i sumamente refiná ku lo ta un atrakshon pa usuarionan tantu den uso profeshonal komo personal. E ta tuma retnan di velosidat haltu di rònt mundu, ta inkluí un built-in GPS i Wi-Fi®, imágennan di resolushon haltu, mas ora pa skucha músika (te ku 38 ora) i un keyboard kompletamente QWERTY keyboard.

Ku su diseño sofistiká, un trackpad fásil pa usa i bateria ku ta wanta largu, BlackBerry Bold 9700 smartphone ta traha pa hasi bo bida mas fásil. I, manera tur BlackBerry smartphones, e ta yuda klientenan forma nan futuro, tur dia dor di kombiná un diseño di lo último ku e mihó aplikashonnan.

CEO di Digicel Dutch Caribbean, Hans Lute, a bisa: “Digicel ta kere ku tur hende mester tin akseso fásil na Internet, email  i mensahe instantáneo i smartphone BlackBerry Bold 9700 ta kapta tur atenshon den término di ofresé servisionan inovativo i aplikashonnan pa esnan ku kier keda na tòp di nan komunikashon.”

“E plannan kompetitivo di Digicel den su paketenan prepago i postpago ta ofresé un balor ku ta kumpli ku e diferente nesesidatnan di kada un di nos klientenan. E diseño nobo fini di e BlackBerry Bold 9700 tin karakterístikanan ku ta inkluí un kámara 3.2 MP,  un GPS integral, i un keyboard kompletamente QWERTY pa klientenan ku kier traha lihé miéntras ku nan ta den moveshon.”

“E BlackBerry Bold 9700 ta elegante i poderoso, ta inkluí tambe un serie kompleto di karakterístikanan diseñá pa satisfasé e usuario mobil mas demandante – na trabou òf den nan bida personal,” asina Rick Constanzo, Direktor di maneho pa Latino Amérika di Research In Motion, ta bisa. “E BlackBerry Bold 9700 ta un miembro nobo di e serie BlackBerry Bold i nos ta sumamente entusiasmá pa ta traha ku Digicel pa ofresé e selular maravioso aki na klientenan den e merkadonan di Karibe i Sentro Amérika.”

E BlackBerry Bold 9700 ta disponibel serka Digicel rònt di Karibe, Sentro Amérika i Pasífiko entrante ayera.

FIN