DIGICEL UN BIAHA MAS TA APORTA NA SPECIAL OLYMPICS

Digicel ta hasi entrega di un check di Naf. 30.000 na Special Olympics

WILLEMSTAD, Kòrsou – 5 di òktober 2010: “E ta forma parti di nos maneho i vishon den tur merkado ku Digicel ta ópera den Karibe” asina Alvin Korkie, Chief Commercial Officer di Digicel Dutch Caribbean a komentá promé ku a firma pa renobá e kontrakt pa ku e organisashon di Special Olympics Kòrsou.

Digicel, e kompania di selular ku mas ta kresiendo na Kòrsou, Aruba,  den Caribe, den Sentro Amérika i awor hasta den Oséano Pasífiko ta duna pa 4 aña konsekutivo un aporte supstansial pa ku e organisashon di Special Olympics Kòrsou. E aporte di Digicel ta yuda e atletanan di Special Olympics Kòrsou riba nan desaroyo i progreso pa asina por ehersé nan deporte preferí, pa asina no solamente partisipá den kampionatonan lokal pero tambe representá Kòrsou internashonalmente. E lema di Special Olympics ta ku hende ku un desbentaha físiko ta i por logra basta nan haña e oportunidat. Durante di e 4 aña ku a pasa,  atletanan di Special Olympics Kòrsou sigur a sa di demostrá ku si e oportunidat wòrdu duna, sigur nan lo logra. Esaki ta basa riba e diferente medayanan na kampionatonan internashonal ku e atletanan di Special Olympics a gana.

 

 

 “Nos semper ta duna bek na nos komunidat, pero mi mester atmití ku Special Olympics tin un lugá speshal den nos kurason, i p’esei nos duna nan e oportunidat pa logra”, Alvin Korkie a sigurá durante di un enkuentro ku e atletanan i miembronan di e organisashon di Special Olympics na Tropikal Bowling resientemente. Tambe Alvin Korkie a ekspresá na e okashon aki su apresio pa e trabou ku e miembronan di organisashon ta aportá na e atletanan i e satisfakshon pa ku e relashon entre Digicel ku Special Olympics. E anochi a wòrdu kulminá na e momento ku Alvin Korkie kompania pa e representante di merkadeo Lisa Canhigh a hasi entrega di e chek na balor di Naf. 30.000,00 pa e atletanan di Special Olympics Kòrsou.

FINAL