Ayera e ekipo di Furia Latina a yega

EKIPO DI FUTBOL ULANDES TA YEGA KORSOU AWE

WILLEMSTAD, Kòrsou – 18 di yüni 2009: Preparashonnan pa e wega di futbòl di aña ta den full swing. Djadumingu awor, riba dia di tata, Ulanda lo bataya kontra di Furia Latina riba vèlt di Stadion Ergilio Hato. E ekipo Ulandes, konsistiendo di e mundialistanan manera entre otro Frank i Ronald de Boer, Ruud Gullit, Cocu lo yega Kòrsou awe djabièrnè 6.30 di atardi. Miéntras ku ayera e tim di Furia Latina a aterisá na Kòrsou for di Colombia.

E promé wega di djadumingu awor lo tuma lugá entre dos ekipo hóben lokal di kual 2 hungadó lo wòrdu selekshoná pa bai Brazil pa práktika einan ku e tim di Vasco Da Gama pa 2 siman.Pa mitar di shete e wega espektakular lo tuma lugá mes entre e dos ekiponan grandi. Karchinan di entrada ta kuminsá for di Naf. 10,- pa asientonan Premium, pa Naf, 15- pa asientonan Bronze i Naf. 25,- pa Silver, i ta optenibel na vários sitio manera entre otro Digicel. Ademas ku bo karchi di entrada bo ta partisipa pa gana premio fabuloso na porta.

Digicel kier rekordá tur esnan ku a partisipa ku e kampanja di SMS dor di manda un mensahe ku e palabra SOCCER pa 2009 te ahinda tin chens pa gana  artíkulonan firma dor di e hungadónan. Ganadornan lo wordu anunsia dia 22 di juni 2009.  

Por último Digicel ta invitábu bin aeropuerto pa duna e ekipo Ulandes un kaluroso Bon Bini riba nos isla.