Gloria Libiee ta e gran ganador di 50 mil florin ku Digice
December 13th 2011 - Gloria Libiee ta e gran ganador di 50 mil florin ku DigiceGloria Libiee ta e gran ganador di 50 mil florin ku Digicel su kampaña “Rekargá i Gana”
Digicel a regalá un total di 180 mil florin na premio
WILLEMSTAD, Kòrsou - 9 di desèmber 2011: Gloria Libiee a keda sin palabra, despues ku nan a yam’é di Digicel pa bis’é ku el a kaba di gana e premio grandi di 50 mil florin den e kampaña di “Rekargá i Gana”. Djabièrnè atardi a entrega e felis ganador su premio grandi den un ambiente festivo ku Brass band i Papa Pasku den e filial di Digicel na Biesheuvel.
Digicel a lansa e kampaña di “Rekargá i Gana” na ougùstùs último den kual a regalá no ménos di Naf. 180.000 na premio. Pa partisipá e klientenan prepago mester a djis rekargá nan selular durante di e periodo di e kampaña ku Naf. 10, Naf. 25 òf Naf. 50 i partisipá outomátikamente pa por gana tur dia un di e 200 premionan di krédito òf e premio kèsh di tur siman di Naf. 1000. Ademas, nan a partisipá ainda pa e rifa pa por gana e premio gordo di Naf. 50.000 kèsh.
Klientenan postpago a partisipá dor di solamente paga nan kuenta kompletu promé ku dia 29 di kada luna durante di e periodo di e kampaña. Nan a partisipá outomátikamente pa e rifa pa gana tur luna Naf. 2.500 i tambe pa por gana e premio gordo di Naf. 50.000 kèsh!
Digicel, siendo e kompania di selular ku mas ta kresiendo den Caribe, Sentro Amérika i hasta den Oséano Pasífiko ta kontentu di por anunsiá e felis ganador aki nèt den tempu di fin di aña. Digicel, e ret mas grandi, mas mihó i awor esun mas lihé tambe, lo sigui tene mas di e tipo di kampañanan asina, pa duna bek na su klientenan ku ta sostené henter aña.
Riba e potrètnan athunto por apresiá momento ku Lisa Canhigh, ehekutivo di Merkadeo di Digicel Kòrsou, ta entrega e chèk grandi di 50 mil florin na Gloria Libiee, den kompania di algun famia ku tambe a bin selebrá e momento di alegria aki ku e kliente fiel di Digicel
