Saliendo ku un kampaña di manda SMS pa number 3444

KAMPAÑA “DIGICEL TA IMPORTANTE P’AMI” A KEDA LANSA OFISIALMENTE

Komo un muestra di gradesimentu pa su kresementu impreshonante

WILLEMSTAD/KRALENDIJK– 30 di Mart, 2009: “E ta forma parti di nos strategia pa den forma konstante nos sigui inová i sigui promové nos marka”, asina Hans Lute, CEO di Digicel Dutch Caribbean a bisa na inisio di nan konferensha di prensa. E kompania di selular ku mas ta kresiendo na Korsou, den Antiyas, den Caribe, Sentro Amérika i awor hasta den Oséano Pasífiko a lansa un kampaña nobo.

Digicel, por medio di kampañanan publisitario den henter e region aki ta poniendo énfasis riba su balornan, lagando klientenan duna testimonionan dikon e kompania ta importante pa nan. Den esaki ta usa diferente talentonan natural, klientenan ku ta bini for di tur sektor den komunidat, for di e deportista te na e ama di kas. “E bèrdat ta ku tur hende tin un motibu dikon Digicel ta importante pa nan. Nos ta konsiente ku desde lansamentu di Digicel, ku a hasi un kambio drástiko den no solamente e panorama di telekomunikashon di Korsou i Boneiru, pero tambe den e forma di biba di e siudadanonan den henter e region aki”, di akuerdo ku Hans Lute. E ta referí na e servisionan i produktonan ku Digicel a sa di introdusí na Korsou i Boneiru desde su lansamentu na aña 2006.

Hopi hende probablemente hasta a deskustumá con nos industria di telekomunikashon tabata den e añanan ei....na unda ku e posibilidatnan teknológiko pa e klientenan tabata hopi limitá. Awendia klientenan di Digicel ta kustumá kaba ku e avansenan teknológiko na Antia ta kana kasi paralelo ku esunnan internashonal.

Pa por promové e kampaña aki na un forma espektakular, a organisá eventonan di saka pòtrèt di modelonan i di grabashon di video pa asina yega na e produkto final. Ku e kampaña aki Digicel kier enfatisá ku nan ta duna mas balor pa e plaka di nan klientenan, nan tin mihó servisio i ku nan tin e mihó kobertura i mas variedat den modelonan di selular. Esaki tambe lo wordu ilustra den diferente manera den e kampana aki.

Huntu ku e tremendo kampana aki Digicel a lansa mesora un kampaña di SMS na unda tur klientenan por manda un SMS na number 3444 i bisa den e mensahe dikon Digicel ta importante pa nan. Mandando un SMS splikando dikon Digicel ta importante pabo, bo ta partisipa outomatikamente pa gana Un BlackBerry Prepaid di Digicel. Kada SMS ta kosta solamente 50 sèn. E kampaña aki ta sigui te dia 29 di Aprel miéntras ku e ganadornan lo keda anunsiá dia 4 di Mei 2009.

“Di e forma aki nos ta yama nos klientenan danki, pasobra nos ta konsiente ku sin e sosten i apoyo di nos klientenan, ku Digicel lo no a krese i bira e kompania ku mas ta kresiendo den henter Antiyas i Caribe”, asina Hans Lute a finalisá bisando.

FINAL