Selebrando 3 aña di eksistensia na Kòrsou

DIGICEL A BISHITA PRENSA DI KÒRSOU KU BOLO DEN MAN

WILLEMSTAD, Kòrsou – 22 di Mei, 2009: E kompania di selular ku mas ta kresiendo na Kòrsou, Antia, den Karibe, Sentro Amérika i awó hasta den Oséano Pasífiko ta den selebrashon total di su 3 añanan di eksistensia na Kòrsou. Pa esaki Digicel a prepará algun kampaña masha interesante mes pa su klientenan ku a sa di sostené durante e último 3 añanan. Nos a traha un sekshon speshal riba nos wepsait pa nos klientenan por selebrá ku nos. Lo ta bai tin diferente promoshonnan i  aktividat kaminda nos lo parti hopi premio.

Relashoná ku e selebrashon, Digicel a pasa bishita mayoria di e medionan di komunikashon. “Nos tin un masha bon relashon ku prensa di Kòrsou. Nos ta konsiente ku nan a hunga un ròl importante den  nos kresementu i nos éksito. Ta p’esei nos no kier a laga e dia bai seku asina tampoko”, di akuerdo ku Hans Lute, CEO di Digicel Dutch Caribbean. Huntu ku un delegashon di Digicel, a pasa bishita e medionan di komunikashon ku un bolo. “E ta forma parti di nos kultura aki na Kòrsou, ora tin fiesta mester tin bolo”, Hans Lute a bisa ku un sonrisa riba su kara. Di e forma aki Prensa di Kòrsou tambe ta forma parti di e selebrashon di Digicel, siendo esnan ku mester transmití e mensahenan di Digicel pa su klientenan. Papiando di kliente, den e tiendanan di Digicel tambe tin bolo riba pa selebrá huntu ku klientenan nos 3 añanan di eksistensia.