Awor roaming ku Digicel ta duna bo mas balor

SPAR ‘FREQUENT FLYER MILES’ KU DIGICEL

WILLEMSTAD/KRALENDIJK – 14 di Sèptèmber 2010: Pa por brinda klientenan mas balor pa nan plaka, Digicel a kaba di lansa un programa ku sin duda lo benefisiá tur su usuarionan. Ta trata aki di e programa di lealtat pa klientenan ku ta “roam” ora nan ta di biahe ku nan selular di Digicel. Pa logra esaki Digicel a sera un aliansa ku Travelling Connect ku ta premia klientenan prepago i postpago di Digicel na momentu ku nan ta “roam” ku nan selular ora nan ta afo. Klientenan di Digicel ta risibí 1 “Digicel Roaming Reward” pa kada minüt na yamada ku nan hasi òf risibí. E kliente ku risibi un  “Digicel Roaming Reward”, outomátikamente ta wòrdu kambia den “Frequent Flyer Miles” òf puntonan pa estadia den hotèl pa bo aeroliña òf hotèl partisipante preferí. Pa kada 5 “Digicel Roaming Reward” e kliente lo risibí 1 Frequent Flyer Mile.

Tene kuenta ku e durashon mínimo di kada yamada mester ta 1 minüt. Solamente minütnan kompleto ta kualifiká den e programa aki. Pa partisipá klientenan di Digicel mester registrá den e programa aki. Pa partisipá mester yena nan number di selular i nan number di kuenta “Frequent Flyer” por ehèmpel di American Airlines. Durante e proseso di inskripshon, e kliente ta yena tambe su email adrès, nòmber y fam. Pa mas informashon e klientenan por subi online, dependé den ki merkado nan ta biba pa por haña mas informashon, na http://www.digicelrewards/bonaire òf http://www.digicelrewards/curacao.

Separá ku e kliente mester tin un number di selular di Digicel pa e por bini na remarke pa partisipá, tambe tin reglanan di parti di e kompania eskohí pa gana punto ku ne. E asina yama “Digicel Roaming Miles” ta wòrdu kita for di kuenta di e usuario entre 3 pa 8 siman despues ku a usa e servisio di roaming di Digicel. Ku e programa aki awor, Digicel ta kla pa alkansá e siguiente nivel den servisio i produktonan inovativo pa su klientenan. Asina ta, sigui bèl ku bo Digicel i akumulá bo puntanan na momentu ku bo ta den eksterior.