WILLENSTAD, Kòrsou – 27 di mei 2010: Mei mei di un kantidat di kliente, invitadonan, , a anunsiá e ganadornan di e kampaña “Roar to Score” di Digicel. Stella Albina, kende ta un kliente postpago huntu ku Ruthline Martina kende ta un kliente prepago, a gana e premio grandi. Ámbos a gana pasashi, estadia i tur kos paga, inkluyendo entradanan pa e stadion na Sur Afrika pa nan por mira e wega final di e kampionato mundial di futbòl organisá pa FIFA i ku ta tuma lugá otro luna. E maskota ‘Zakumi’ di e weganan mundial di futbòl a bini te Kòrsou pa, huntu ku Hans Lute, CEO di Digicel Dutch Caribbean, entrega e premionan korespondiente na e ganadornan. Ámbos a keda masha kontentu ku nan premio.

“Pero, entregando e premio aki awe mi por bisa ku te ainda e fiesta no a kaba ainda. Tene kuenta ku nos tin mas ganador ku lo keda anunsiá den e simannan nos dilanti. Mi ta referí aki na e ganadornan di e televishon grandi di pantaya flatscreen i e hook up ku bo amigunan pa wak e wega final na bo bar preferí, pero tambe nos lo tin tasnan di FIFA pa regalá, T-shirt, bala di FIFA i muchu mas”, asina Hans Lute a menshoná ayera na okashon di entregamentu di premio na e Mega Store di Digicel na Biesheuvel.

Digicel a hasi un invitashon speshal na henter pueblo di Kòrsou pa sigui e weganan di futbòl mundial via TeleCuracao. Ya dia 11 di yüni lo tuma lugá e promé wega di e kampeonato mundial di futbòl organisá pa FIFA, e promé wega lo ta entre Mexico i Sur Afrika. Ta p’esei keda pendiente di Digicel, e 6 simannan ku ta sigui lo ta yena di sorpresa i promoshonnan speshal pa tur nos klientenan.