Digicel ta aportá pa Special Olympics partisipá den e weganan olímpiko na Gresia
June 17th 2011 - Digicel ta aportá pa Special Olympics partisipá den e weganan olímpiko na GresiaKu nan apoyo kontinuo i un donashon adishonal di Naf. 20.000
Digicel ta aportá pa Special
Olympics partisipá den e weganan olímpiko na Gresia
WILLEMSTAD, Kòrsou – 16 di yüni 2011: Digicel
un di e spònsernan prinsipal di Special Olympics aki na Korsou, un biaha mas ta
duna su aporte pa asina e tim di Special Olympics Kòrsou por hasi e biahe pa
bai partisipá den e weganan olímpiko na Gresia. Tur atleta sin eksepshon ta na tòp di nan kategorianan
i nan ta bon entrená i kla pa sali pa Gresia dia 19 di yüni pa kompetí na e weganan
di Special Olympics internashonal.
Mirando ku un
biahe asin’aki tin hopi gastu mara, i pa yega na nan meta finansiero pa prepará,
biaha i kompetí, Digicel a lansa un kampaña pa rekoudá fondo via SMS for di luna
di mart pa mei. Ademas Digicel a hasi entrega di un check di Naf. 20.000 na e delegashon
pa nan realisá e biahe aki.
Philip van Dalsen, CEO di
Digicel Dutch Caribbean, Guyana i Sürnam i Lisa Canhigh, representante di e
departamentu di merkadeo di Digicel Kòrsou a hasi entrega di e chèk na Emrit
Dindial i Ethel van Heningen di Special Olympics Kòrsou.
“Special Olympics semper
tin un lugá speshal den nos kurason i Digicel ta kontentu di por yuda e
atletanan di Kòrsou biaha pa representá nan isla na Gresia,” sr. van Dalsen a komentá.
“Nos ta hopi orguyoso di nan kaba, ya ku nan tabata entrenando hopi duru pa
duna lo mihó di nan mes den nan deporte na e weganan olímpiko speshal. Si nan
bolbe kas ku medaya nan lo hasi nos ainda mas orguyoso,” sr. Van Dalsen a añadí.
Na total 12 atleta di
Special Olympics Kòrsou lo ta biahando pa Gresia ku seis coach, un asistente di
staf i 2 delegado. Nan lo partisipá den e disiplinanan di landamentu,
atletismo, bolas criollas, hisamentu di peso i bowling.
